पणजी: मुंबई उच्च न्यायालयाच्या गोवा खंडपीठाने दिलेल्या आदेशाची अंमलबजावणी करत वाहतूक खात्याने टुरिस्ट टॅक्सीमध्ये मीटर बसलवले आहेत. परंतु, अजूनही मीटर वापरले जात नसल्याच्या तक्रारी खात्याकडे येत असून पर्यटकांकडे बोट दाखवण्याचा प्रकार सुरू आहे.

(Taxi owners are reluctant to use meters)

यात काहीही तथ्य नसून, उलट आमचेच लोक टॅक्सी मीटर वापरण्यात टाळाटाळ करत आहेत, असे वाहतूक मंत्री माविन गुदिन्हो यांनी सांगितले. पर्वरी येथे विधानसभा संकुलात ते पत्रकाऱ्यांशी बोलत होते. पर्यटकांना विविध कारणे दिली जात असून, कोणत्याही परिस्थितीत आम्हाला मीटर नको असे सांगण्याचा प्रयत्न एका विशिष्ट टॅक्सी लॉबीकडून केला जात आहे.

विमानळावर कोणता प्रकार सुरू आहे, याची माहिती मला मिळते. आतापर्यंत आम्ही सौम्य राहिलो आहे. परंतु, याचा गैरफायदा घेण्याचा प्रयत्‍न करू नये, असे गुदिन्हो यांनी स्पष्ट केले. ते पुढे म्हणाले की, आज देखील काही टॅक्सी मालकांची दादागिरी सुरू आहे. उत्तर गोव्यातील टॅक्सी चालकांना दक्षिणेत येऊ देत नाहीत, असेही गुदिन्हो यांनी स्पष्ट केले.