गोवा

Manohar Airport: मोपा विमानतळावर टॅक्सी चालकांचा आता 'रेंट अ कार'ला विरोध

टॅक्सी चालकांचा व्यावसायिकांना घेराव

Akshay Nirmale

Manohar Airport: मोपा येथील मनोहर आंतरराष्ट्रीय विमानतळावर आज, गुरूवार 5 जानेवारीपासून विमानोड्डाणास सुरवात झाली आहे. तथापि, येथील टॅक्सीचालकांचा प्रश्न अद्याप मार्गी लागावयाचा आहे. गोवा टॅक्सी अॅपवर सरकारकडून टॅक्सी चालकांची नोंदणी केली जात आहे. काही टॅक्सी चालकांनी येथे विनाअट टॅक्सी काऊंटरची मागणी केली आहे. त्यावरून काहीजणांनी आंदोलनाचा इशारा दिला होता.

त्या पार्श्वभुमीवर काल, 4 जानेवारी रोजी मुख्यमंत्र्यांनी मोपा विमानतळ परिसरात कलम 144 म्हणजेच जमावबंदी लागू केल्याची घोषणा केली होती. दरम्यान, आता काळ्या-पिवळ्या टॅक्सी चालकांनी विमानतळावर 'रेंट अ कार' या सेवेस विरोध दर्शविला आहे. केवळ विरोध दर्शवून टॅक्सी चालक थांबले नाहीत तर रेंट अ कार सेवा देणाऱ्या व्यावसायिकांना त्यांनी घेरावही घातला. रेंट अ कार सेवा देणाऱ्यांची थेट अडवणूक टॅक्सी चालकांनी केली. टॅक्सी चालकांनी मुख्यमंत्री डॉ. प्रमोद सावंत यांच्याकडे रेंट अ कार सेवा देणाऱ्या व्यावसायिकांवर कारवाई करावी, अशी मागणी केली आहे.

दरम्यान, विमानतळावर आलेल्या प्रवाशांना टॅक्सीसाठी ताटकळत थांबावे लागले. तसेच, गोवा माईल्सची टॅक्सी बुक करण्यासाठी देखील भलीमोठी रांग लागली होती. दरम्यान, टॅक्सी आंदोलकांनी विमानतळ परिसरात कलम 144 अंतर्गत लागू केलेले जमावबंदीचे आदेश हटविण्याची मागणी केली आहे. टॅक्सी आंदोलकांनी सांयकाळी पाच वाजेपर्यंत वाट पाहण्याचा इशारा दिला आहे. मोपा विमानतळावर विनाअट टॅक्सी काऊंटरची मागणी मान्य होईपर्यंत नागझर येथे साखळी आंदोलन सुरूच राहील, असा इशारा ‘टुगेदर फॉर मोपा’तर्फे घेतलेल्या पत्रकार परिषदेत आंदोलकांचे नेते सुदीप ताम्हणकर यांनी दिला आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Shehbaz Sharif Video: 'पाकिस्तान दहशतवाद कधी थांबवणार?' रिपोर्टरच्या थेट प्रश्नावर काय म्हणाले शाहबाज शरीफ? शाब्दिक चकमकीचा व्हिडिओ व्हायरल

43.20 कोटींच्या कोकेन प्रकरणात आरोपीला सशर्त जामीन मंजूर; दक्षिण गोवा जिल्हा सत्र न्यायालयाचा मंगेश वाडेकरला दिलासा

Goa Crime: 17 वर्षीय मुलीला पळवून नेऊन केला लैंगिक अत्याचार, डिचोलीतील घटनेनं खळबळ; कणकवलीच्या तरुणाला अटक

Makharotsav: ..उत्सवमूर्ती जिवंत झाल्याचा आभास देणारा 'मखरोत्सव', गोव्यातील लोकसंस्कृतीचे दर्शन

Viral Video: 'खतरों के खिलाडी' वाली स्टंटबाजी, पठ्ठ्याचा सोशल मीडियावर व्हिडिओ तूफान व्हायरल; नेटकरी म्हणाले...

SCROLL FOR NEXT