म्हापसा: नोएडाच्या महिलेला मारहाण करुन विनयभंग केल्याची घटना तीन वर्षापूर्वी हणजूण येथे उघडकीस आली. या प्रकरणातील संशयित दोषी आढळला असून, त्याला दोन वर्ष कारावासाची शिक्षा ठोठावण्यात आली आहे.
अँथनी डिकॉस्ता (३७, रा. रामेश्वरम, तामिळनाडू) असे कारावासाची शिक्षा ठोठावलेल्या आरोपीचे नाव आहे. याप्रकरणाचा तपास पोलिस निरीक्षक सुरज गावस यांनी केला.
हणजूण येथे २९ नोव्हेंबर २०२१ रोजी नोएडा उत्तर प्रदेश येथील रहिवासी महिलेला मारहाण करुन विनयभंग केल्याची तक्रार हणजूण पोलिसांकडे प्राप्त झाली. संशियताने महिलेला लोखंडी रेलिंग डोक्यात घालून मारहाण केल्याचे तक्रारीत म्हटले होते.
संशयित गुन्हा करुन फारार झाला होता. तक्रार प्राप्त झाल्यानंतर पोलिसांनी संशयिताचा शोध घेऊन त्याला अटक केली. सखोल तपासाअंती त्याच्याविरोधात आरोपपत्र दाखल करण्यात आले. न्यायलयासमोर संशयिताविरोधातील आरोप सिद्ध झाले असून, त्याला या प्रकरणात दोषी ठरवण्यात आले आहे. न्यायालयाने आरोपी डिकॉस्ताला दंडासह दोन वर्ष कारावासाची शिक्षा ठोठावली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.