Calvin Bus Accident: शालेय मुलांना घेऊन जाणाऱ्या स्कूलबसचा 18 फेब्रुवारी 2012 मध्ये कालवी नदीत अपघात झाला होता. या अपघात प्रकरणातील बस चालकाची तब्बल दहा वर्षानंतर पुरेशा पुराव्यांअभावी निर्दोष मुक्तता करण्यात आली आहे. पणजी अतिरिक्त जिल्हा सत्र न्यायानयाने हा निर्णय दिला आहे. राजेश नाईक असे या बस चालकाचे नाव आहे. दहा वर्षापूर्वी झालेल्या या अपघातात शालेय मुलांसह सात जणांचा मृत्यू झाला होता.

नेमकं प्रकरण काय?

सेंट थॉमस गर्ल्स शाळेची बस 8-11 वयोगटातील शालेय विद्यार्थ्यांना घेऊन जात होती. हळदोणा ते कालवी दरम्यान कालवी नदीच्या पुलावरून ही बस नदीत कोसळली. बसचा ब्रेक फेल झाल्याने हा अपघात झाल्याचे सांगण्यात आले. या बसमध्ये शालेय विद्यार्थ्यांसह महिला केअर टेकर देखील होत्या. अपघातात विद्यार्थ्यांसह सात जणांचा मृत्यू झाला. दरम्यान, पोलिसांनी बसचा चालक राजेश नाईक याला सदोष मनुष्यवधाच्या आरोपखाली अटक केली होती.