पणजी: समाजकल्याण मंत्री सुभाष फळदेसाई यांनी नवी दिल्ली येथे भाजपचे राष्ट्रीय अध्यक्ष नितीन नवीन व राष्ट्रीय सरचिटणीस बी. एल. संतोष यांची भेट घेतली. यावेळी राज्यातील सामाजिक कल्याणाच्या योजना, संघटनात्मक विषय तसेच गोव्याच्या विकासाशी संबंधित विविध मुद्यांवर चर्चा झाल्याची माहिती आहे.
केंद्रीय गृहमंत्री अमित शहा यांच्या गोवा दौऱ्याच्या पार्श्वभूमीवर झालेल्या या भेटीला राजकीय महत्त्व प्राप्त झाले आहे. फळदेसाई हे मुख्यमंत्री डॉ. प्रमोद सावंत यांचे निकटवर्तीय मानले जात असल्याने त्यांच्या दिल्ली दौऱ्याकडे राजकीय वर्तुळाचे लक्ष लागले आहे.
समाजकल्याण विभागाच्या माध्यमातून विविध घटकांपर्यंत सरकारी योजनांचा लाभ पोहोचविण्यासोबतच पक्षाच्या संघटनात्मक कामातही फळदेसाई सक्रिय आहेत. राष्ट्रीय नेतृत्वाशी झालेल्या चर्चेत गोव्याशी संबंधित प्रश्नांना त्यांनी स्थान दिल्याचे सांगण्यात येते. या भेटीमुळे फळदेसाई यांचे पक्षातील वाढते राजकीय महत्त्व अधोरेखित झाल्याची चर्चा आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.