सासष्टी: राज्यात सध्या ‘हाऊजी’वरून मोठे वादंग सुरू आहे. त्यामुळे अशा प्रकारच्या जुगाराला आळा घालण्यासाठी सरकारने ‘हाऊजी’वर पूर्णत: बंदी घालण्याचा निर्णय जाहीर केला.
यासंदर्भात आज दवर्लीत मुख्यमंत्र्यांना विचारले असता, हाऊजी बंदीवरील निर्णय बदलला जाणार नाही. कायदा हा सर्वश्रेष्ठ आहे. पूर्वी हाऊजी लहान-सहान प्रमाणात सुरू होती, तोपर्यंत ठीक होते; पण आता प्रकरण हाताबाहेर जात असल्याने बंदी घालण्याशिवाय दुसरा पर्याय नव्हता. असे मुख्यमंत्री सावंत म्हणाले.
गोवा डेअरीचा नवी प्लांट उसगाव इथे स्थापन करण्यात येईल, असेही मुख्यमंत्र्यांनी सांगितले. सध्या आहे तिथेच गोवा डेअरी राहणार, असेही त्यांनी स्पष्ट केले. सध्याचा गोवा डेअरी प्लांट ५० वर्षे जुना झाला आहे, असेही मुख्यमंत्र्यांनी सांगितले.
दवर्ली येथील शैक्षणिक हबसंदर्भात मुख्यमंत्र्यांनी मौन पाळणेच पसंत केले. मात्र, संजीवनी साखर कारखाना परत सुरू करण्याचा निर्णय मुख्यमंत्री डॉ. सावंत यांनी आज जाहीर केला. यासंदर्भात लवकरच निविदा जारी करण्यात येईल. सध्या ही प्रक्रिया अंतिम टप्प्यात असल्याचे मुख्यमंत्री डॉ. प्रमोद सावंत यांंनी स्पष्ट केले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.