पणजी: गोव्याच्या (Goa) किनारपट्टी विकासासाठी विविध प्रकारच्या क्षेत्रांमधल्या विकासाचे आराखडे निश्चित करण्यासाठी गोवा किनारी क्षेत्र व्यवस्थापन आराखडा (CZMP HEARING) जनसुनावणीला गोव्यातल्या पणजी आणि मडगाव येथे सुरुवात झाली आहे. राज्यातल्या नागरिकांकडून या संदर्भातल्या सूचना, तक्रारी आणि उपाययोजनांची माहिती घेण्यात येत आहे. (Start of CZMP HEARING in goa)

यासाठी सिझेडएमपी ने नेमलेल्या अधिकाऱ्यांसमोर ही सुनावणी सुरू असून राज्य सरकारने घातलेल्या विविध प्रकारच्या नियमांमुळे स्थानिक नागरिकांना आपले प्रश्न मांडण्यासाठी समस्या निर्माण होताना नागरिक अधिक संतप्त होत आहेत. प्रामुख्यानं सीआरझेड एक, दोन, तीन आणि चार या क्षेत्रांमधल्या विविध प्रकारच्या विकासासाठी च्या सूचना नागरिकांमधून मोठ्या प्रमाणात येत आहेत.

काही ठिकाणी राजकीय हस्तक्षेप आणि सरकारच्या नियमामुळे किनारपट्टीचा अनेक भागांमधील विविध क्षेत्रांमध्ये अतिक्रमण झाल्याचे नागरिक सांगत आहेत. या सुनावणीवेळी नियोजनामध्ये अनेक अडचणी आल्याने नागरिक आक्रमक होत आहेत. प्रामुख्याने मासेमारी क्षेत्र ,पारंपारिक मच्छिमार व्यवसाय यांचे अधिवास, जलजीवन, खजान क्षेत्र याबाबत सूचना येत आहेत.