Shiroda SSC Result 2024 :

शिरोडा, पाज शिरोडा येथील शिवग्राम शैक्षणिक संस्थेच्या श्री ब्रह्मदुर्गा हायस्कूलचा दहावीचा निकाल१०० टक्के लागला आहे. विद्यालयातून एकूण १५ विद्यार्थी बसले होते.

यापैकी १ विद्यार्थी विशेष श्रेणीत प्राविण्य, १० प्रथम, तर ४ विद्यार्थी द्वितीय श्रेणीत उत्तीर्ण झाले. संतोषी सतीश वेळीप ९० टक्के गुण मिळवून विद्यालयात प्रथम आली. जोश्‍वीन जॉन कुलासो ७३ टक्के गुण मिळवून द्वितीय तर पवित्रा रामा गावकर ७२ टक्के गुण मिळवून तृतीय आली. एकूण शाळेचा निकाल १०० टक्के लागला.

सलग ८ वर्षे शाळेचा निकाल १०० टक्के लागला. विद्यार्थ्यांच्या या यशाबद्दल चेअरमन सुभाष शिरोडकर, सभासद डॉ. गौरी शिरोडकर व सचिन शिरोडकर व मुख्याध्यापक रवी वेळीप यांनी विद्यार्थ्यांचे अभिनंदन केले.