Sreejita De And Michael Blohm-Pape

बिग बॉस 16 व्या सिझनमधील स्पर्धेक आणि अभिनेत्री श्रीजीता डेने जर्मनीतील हॅम्बर्ग येथे तिचा प्रियकर मायकेल ब्लोहम-पेपशी विवाह केला. दोघांच्या 'व्हाइट वेडिंग'चे फोटो अलिकडेच समोर आले होते. चर्चमध्ये लग्न केल्यानंतर आता श्रीजीता गोव्यात बंगाली पद्धतीने दुसरे लग्न करणार आहे. असे एका वृत्तवाहिनीला माहिती देताना श्रीजीताने सांगितले.

आम्ही दोघांनी जर्मनीत चर्चमध्ये लग्न केले आणि लवकरच नोव्हेंबर-डिसेंबरमध्ये बंगाली रितीरिवाजांनुसार गोव्यात लग्न करणार आहोत. असे श्रीजीता डे म्हणाली.

आमचे लग्न बंगाली रितीरिवाजाने होणार असले तरी आम्ही गोव्यात लग्न करणार आहोत. आम्ही लग्नासाठी नियोजन सुरू केले आहे. नोव्हेंबरपासून पर्यटक गोव्यात यायला लागतात, त्यामुळे आम्ही रिसॉर्ट बुकिंगसाठी प्रयत्न करत आहोत. आमचे लग्न समुद्रकिनार्यावर होईल. मायकलही बंगाली पद्धतीने लग्न करण्यासाठी उत्सुक आहे. असे श्रीजीता म्हणाली.

अभिनेत्री श्रीजीता आणि मायकल खूप दिवसांपासून एकमेकांना डेट करत होते. तिचा नवरा मायकेल ब्लोहम-पेप एका जर्मन कंपनीत वरिष्ठ पदावर काम करतो. तो काही काळ मुंबईत राहत होता आणि बिग बॉस दरम्यान त्याने श्रीजीताला खूप सपोर्ट केला होता.

एका कॅफेमध्ये हे जोडपे पहिल्यांदा एकमेकांना भेटले आणि एकमेकांच्या जवळ आले. दोघांच्या मैत्रीचे रुपांतर प्रेमात झाले. बंगाली पद्धतीने लग्न करण्यासाठी दोघांचे कुटुंब खूप उत्सुक आहेत.