पणजी: गोमन्तक आणि सकाळ माध्यम समूहाच्या यंग इन्स्पिरेटर्स नेटवर्कतर्फे गोव्यातील महाविद्यालयातील विद्यार्थ्यांची निबंधस्पर्धा आयोजित करण्यात आली होती. या स्पर्धेला विविध महाविद्यालयातील विद्यार्थ्यांचा उस्फुर्त प्रतिसाद मिळाला. ''गोव्यातील नव्या मुख्यमंत्र्यांकडून तुमची अपेक्षा'', ''युवकांच्या दृष्टीने गोव्यातील मूलभूत प्रश्न आणि उपाय'', ''गोव्याचे बदलते राजकारण व नवीन पक्षांचे आगमन'', ''राजकीय घराणेशाही'' या विषयांवर सदर निबंध स्पर्धा होती.

निबंधांचे परीक्षण गोवा मराठी अकादमीचे अध्यक्ष आणि वालावलकर शाळेचे माजी प्राचार्य आणि लेखक अनिल सामंत यांनी केले.

पहिल्या तीन क्रमांकाचे निबंध दैनिक ‘गोमन्तक’मध्ये प्रकाशित करण्यात आले. मडगाव येथील पार्वतीबाई चौगुले कॉलेजच्या अपूर्वा प्रदीप दामले हिचा पहिला, तर गोवा विद्या प्रसारक मंडळाच्या डॉ. दादा वैद्य महाविद्यालयाच्या निकिता आईर हिचा दुसरा तर फर्मागुढीच्या गोवा अभियांत्रिकी महाविद्यालयाच्या निकेश वासुगावकर याचा तिसरा क्रमांक आला.