मोरजी: मोपा विमानतळासाठी सुकेकुळण धारगळ ते मोपा विमानतळ प्रकल्पापर्यंत साडेसहा किलो मीटर लांबी आणि सहा पदरी रस्त्याचे काम सध्या युद्धपातळीवर सुरू आहे. विरोधात दोन याचिका असूनही काम बंद न ठेवता सुरूच ठेवण्यात आले असून झाडेही कापली जात आहेत.

मोपा पीडित शेतकऱ्यांनी जी सरकारने जागा संपादित करण्याची प्रक्रिया केलेली आहे, त्या प्रक्रियेला आव्हान देण्यासाठी न्यायालयात याचिका सादर सादर केलेले आहेत.

त्याची पुढील सुनावणी 25 मार्च रोजी होणार तर दुसऱ्या बाजूने वारखंड पंचायतीने लिंक रस्त्यासाठी जी झाडे तोडली जाता आहेत. ते काम बंद ठेवण्याचा आदेश देणारी नोटीस अशोका बिल्डर कंपनीला पंचायतीने दिली होती. त्या नोटीसला आव्हान देण्यासाठी कंपनीने पंचायत संचालनालयाकडे अर्ज दाखल केला आणि त्या नोटीसला स्थगिती देण्यात आल्यानंतर त्याची पुढील सुनावणी 15 मार्च रोजी होणार आहे. या दोन्ही याचिकांची सुनावणी आणि निकाल लागेपर्यंत निदान काम तरी बंद ठेवावे, अशी मागणी होती. परंतु कंपनीने या मागणीचे मागणीला दुर्लक्ष करत उर्वरित जी काही झाडे होती, ती सोमवारी पोलिसांच्या उपस्थितीत झाडे कापण्यास सुरुवात करण्यात आली.

मोपा लिंक रस्त्यासाठी आडवी येणारी झाडे होती, ती झाडे पूर्णपणे कापून टाकण्यात आलेले आहेत. शेतकऱ्यांनी आंदोलन करताना सरकारने नियमानुसार झाडे कापली नसल्याच्या तक्रारी काही पीडित शेतकऱ्यांनी दिलेल्या आहेत. मोपा पीडित शेतकऱ्यांनी आपल्या जमिनी आणि बागायतीतील झाडे बेकायदा कापली जातात, त्यासाठी उच्च न्यायालयात याचिका दाखल केलेल्या आहेत. जमीन संपादन केलेली प्रक्रिया पूर्णपणे चुकीच्या नियमाला धरून असल्याचा दावा करत काही शेतकऱ्यांनी याचिका सादर केली होती. त्यावर मागच्या चार दिवसापूर्वी सुनावणी होऊन पुढील सुनावणी 25 मार्च रोजी होणार आहे.