फातोर्डा: तमिळनाडू येथील असलेल्या अवर लेडी ऑफ वालंकिणी सायबीणीच्या भेटीसाठी गोव्यातील भक्तांना दक्षिण - पश्चिम रेल्वेतर्फे रेल्वे प्रवासाची सोय करण्यात आली असल्याची माहिती देण्यात आली आहे.

याची सुरवात 7 मार्चपासून होणार असून रेल्वे क्रमांक 17315 वास्को रेल्वे स्टेशनवरून सकाळी 9 वाजता सुटणार आहे आणि यानंतर मडगाव, लोंढा, हुबळी, बन्सवाडी, करुर, तिरुवरूर, नागपटनमसहत 24 रेल्वे स्थानकावर थांबा घेऊन दुसऱ्या दिवशी दुपारी 12.25 वाजता वालंकिणी या ठिकाणी पोचणार आहे.

रेल्वे क्रमांक 17316 ही वालंकिणी येथील रेल्वे स्थानकावरून दर गुरुवारी रात्री 11 वाजून 45 मिनिटांनी सुटणार असून दुसऱ्या दिवशी दुपारी 3.25 वाजता वास्को येथील रेल्वे स्थानकावर या ट्रेनचे आगमन होणार आहे. याची सुरवात 8 मार्चपासून होणार आहे. या रेल्वेला 2 टायर एसीचा 1 डबा, 3 टायर ए सीचे 4 डबे, स्लिपरचे 7 डबे व इतर मिळून एकंदरीत 18 डबे या रेल्वेला जोडण्यात येणार आहेत.