Vasco News आज वास्को पोलिसांनी हेल्मेट घालण्यासाठी विशेष जनजागृती मोहीम राबवली. मोहिमेदरम्यान लोकांना हेल्मेट घालण्याचे महत्त्व पटवून देण्यात आले आणि त्यांना हेल्मेट कसे घालावे हे देखील सांगण्यात आले. मोहिमेदरम्यान कोणतेही चलन जारी करण्यात आले नाही.

राज्यात वाढत्या अपघातावर नियंत्रण ठेवण्यासाठी गृह विभागामार्फत जनजागृती मोहीम राबविली जात आहे. सरकार प्रत्येक पोलिस स्थानकां तर्फे जनजागृती मोहीमे अंतर्गत, वाहतुकीचे नियम पाळण्याचे वाहन चालकांना आवाहन करीत आहे.

यासाठी सर्वसामान्य जनतेने आपले कर्तव्य पार पडताना राज्य सरकारच्या वाहतुक सुरक्षेसाठी, वाहतुक नियमांचे काटेकोरपणे पालन करणे आवश्यक असल्याचा सल्ला वास्को पोलिस स्थानकाचे उपनिरीक्षक स्वप्नील नाईक यांनी दिला.

वास्को पोलिस स्थानकाचे निरीक्षक कपिल नायक यांच्या मार्गदर्शनाखाली रविवार (दि.९) पोलिस उपनिरीक्षक स्वप्नील नाईक व इतर पोलिसांनी मिळून वास्को शहरात वाहतुक नियमांची जनजागृती केली.

यावेळी उपनिरीक्षक नाईक यांनी दुचाकी चालकांना हेल्मेटचा उपयोग करण्याचे आवाहन केले. प्रत्येक दुचाकी चालकांने हेल्मेट आपल्या डोक्यावर परिधान करून घरातून बाहेर पडावे.

तसेच चारचाकी चालकांने वाहन चालवताना सीटबेल्टचा उपयोग करण्याचे आवाहन उपनिरीक्षक नाईक यांनी करून वाहन चालवताना मोबाईल फोनचा उपयोग करण्याचे टाळावे.

कारण आपणच वाहतुकीचे नियम पाळू शकतो. यासाठी प्रत्येकांनी आपल्या कुटूंबासाठी वाहतुकीची सुरक्षा घेण्यासाठी पुढाकार घ्यावा, असे आवाहन पोलिस उपनिरीक्षक स्वप्नील नाईक यांनी केले.