Sonali Phogat Case: भाजप नेत्या आणि टिकटॉक स्टार सोनाली फोगट यांच्या कथित हत्या प्रकरणात संशयित सुधीर सांगवान व संशयित सुखविंदर पाल सिंग यांना अटक करण्यात आली. यापैकी संशयित सुखविंदर पाल सिंग याने जामिनासाठी सत्र न्यायालयात अर्ज केला होता. या अर्जावर आज सुनावणी झाली.

सोनाली फोगट यांच्या कथित हत्या प्रकरणाची सुनावणी आज पार पडली. संशयित आरोपी सुखविंदर सिंगच्या जामीन अर्जावरील सुनावणी न्यायालयाने तहकुब केली आहे. पुढील सुनावणी 20 जानेवारीला होणार आहे. तसेच कोर्टाने सोनाली फोगटच्या भावाला जामीन अर्जात हस्तक्षेप करण्याची परवानगी दिली आहे.

मागील सुनावणीवेळी म्हापसा जीएमएफसी कोर्टाने सोनाली फोगट हत्या प्रकरण जिल्हा सत्र न्यायालयाकडे वर्ग केले होते. दरम्यान, सोनाली फोगट हत्याप्रकरणी त्यांचा स्वीय सहाय्यक सुधीर सांगवान आणि सहकारी सुखविंदर पाल सिंग यांना 25 ऑगस्टला गोवा पोलिसांनी अटक केली होती. गोवा पोलिसांकडून याप्रकरणाचा तपास हा सध्या केंद्रीय अन्वेषण विभागाद्वारे (सीबीआय) केला जात आहे. सीबीआयने सोनाली फोगट हत्याप्रकरणी न्यायालयात 2,500 पेक्षा जास्त पानी आरोपपत्र दाखल केले असून, यामध्ये 104 साक्षीदार आहेत.