Goa Corona Update: गोव्यात मागील काही आठवड्यापासून कोरोना बाधितांच्या संख्येत वाढ होऊ लागली आहे. त्यामुळेच राज्यात कोरोना संसर्ग वाढत असल्याचे स्पष्ट झाले आहे. नागरिकांनी कोरोना संसर्ग रोखण्यासंबंधीची आवश्यक ती काळजी घेण्याचे आवाहन आरोग्य खात्याच्यावतीने करण्यात येत आहे. यामध्ये दिलासादायक बाब म्हणजे आज नव्याने कोणताही कोरोना रूग्ण दगावलेला नाही.

अहवालानुसार, गेल्या 24 तासांत राज्यात एकूण 710 चाचण्या करण्यात आल्या. त्यात 108 नवीन कोरोनाचे रुग्ण आढळून आले असून त्यापैकी एका रुग्णाला रूग्णालयात दाखल केले आहे तर उर्वरीत 107 बाधितांना होम आयसोलेशनमध्ये ठेवण्यात आले आहे. गेल्या 24 तासांमध्ये एकूण 119 रूग्ण कोरोनामुक्त झाले आहेत.

राज्यात कोरोनामुक्तीचा दर 98.16 टक्के इतका आहे. गेल्या 24 तासात कोरोनामुळे एक मृत्यू झालेला नाही. राज्यात आत्तापर्यंत कोरोनामुळे 4014 मृत्यू झाले आहेत. राज्यात एकूण 21 लाख 69 हजार 102 चाचण्या झाल्या आहेत. तर एकूण 2 लाख 60 हजार 945 कोरोनारूग्ण आढळून आले होते. त्यापैकी 2 लाख 56 हजार155 रूग्ण बरे झाले आहेत.