Ponda : कुंडई औद्योगिक वसाहतीमधील जंगल भागात मानवी कवटी व 12 हाडे सापडली आहेत. ही घटना दोन दिवसांपुर्वी उघडकीस आली. या घटनेमुळे परिसरात खळबळ माजली. दरम्यान, हे प्रकरण घातपाताचे असावे असा कयास व्यक्त होत असून पोलिस अधिक तपास करीत आहेत. सापडलेले अवशेष पोलिसांनी गोवा वैद्यकीय महाविद्यालयातील फॉरेन्सिक विभागाकडे पाठवले आहेत. याबाबत फोंडा पोलिस अधिक तपास करीत आहेत.

याबाबत अधिक माहिती की, कुंडई औद्योगिक वसाहतीमधील जंगल भागात मानवी कवटी व काही हाडे सापडली. यासंबंधीची माहिती फोंडा पोलिसांना दिल्यानंतर त्यांनी घटनास्थळी धाव घेऊन कवटी व हाडे ताब्यात घेतली. पोलिसांनी मानवी अवशेष अधिक तपासणीसाठी गोवा वैद्यकीय महाविद्यालयातील फॉरेन्सिक विभागाकडे पाठवली. घटनास्थळी पोलिसांना एक शर्टही सापडला.

कुंडई औद्योगिक वसाहतीमधील घटनास्थळी पोलिसांना एक शर्टही सापडला आहे. त्यामुळे ही कवटी व हाडे एखाद्या पुरुषाची असावी असा संशय व्यक्त करण्यात येत आहे. दरम्यान, हे प्रकरण घातपाताचे असावे. दुसरीकडे खुन करुन ही हाडे इथे आणुन टाकली असावीत का?असा कयास व्यक्त होत आहे. याबाबत फोंडा पोलिस स्थानकाचे निरीक्षक विजयकुमार चोडणकर यांनी सांगितले की, याचे नमुने गोळा केले आहेत. अधिक तपास सुरु आहे.