Vasco:...तर मला अजिबात फोन करू नका; वास्कोच्या आमदारांची नागरिकांना सक्त ताकीद

गोव्यात अपघातांच्या घटना काही नवी समस्या नाही. दोन दिवसांपूर्वी वास्कोत झालेल्या दुचाकी अपघातात एका महिलेचा हकनाक जीव गेला. धक्कादायक बाब म्हणजे या अपघातात अल्पवयीन मुलांचा समावेश होता. त्यामुळे पोलिसांनी मुलांचे पालक आणि वाहन मालकांवर गुन्हा दाखल केला आहे. या घटनेवरून वास्कोचे आमदार कृष्णा साळकर (Vasco MLA Krushna Salkar) अ‍ॅक्शनमोडमध्ये आले आहे. बुधवारी साळकर यांनी अपघात प्रवण क्षेत्रातांची पाहणी केली.

अवैध बॅनर आणि होर्डिंग्ज अपघाताचे मुख्य कारण?

अरूंद रस्ते आणि वाहनांची वर्दळ यामुळे वास्को परिसरात वाहनांची गर्दी दिसून येते. पण, रस्त्यात अवैध पद्धतीने उभारण्यात आलेले होर्डिंग्ज तसेच विविध जाहिरातीचे बॅनर अपघाताचे मुख्य कारण ठरत आहे. यासाठी आमदार साळकर यांनी वास्को परिसराची पाहणी केली. यात अनेक ठिकाणी अवैध पद्धतीने उभारण्यात आलेले बॅनर हटविण्यात आले.

...तर मला अजिबात फोन करू नका - साळकरांची नागरिकांना ताकीद

वाढते अपघात आणि त्यात मृत्यूमूखी पडणाऱ्या नागरिकांची संख्या वाढत आहे. यावरून वास्को आमदार साळकर यांनी चिंता व्यक्त केली आहे. पालकांनी आपल्या मुलांना गाडी चालवण्यासाठी प्रोत्साहन देऊ नये तसेच, त्यांच्याकडे वाहन सोपवू नये. असे आवाहन त्यांनी केले आहे. अशा प्रकरणात किंवा इतर कोणताही गुन्हा घडल्यानंतर मला फोन किंवा मेसेज करू नये अशी सक्त ताकीद त्यांनी नागरिकांना दिली आहे.