Konkan Railway कोकण रेल्वेने मध्य रेल्वेच्या सहाय्याने चतुर्थीच्या दिवसांत प्रवाशांचे हाल होऊ नये म्हणुन सहा खास रेल्वे गाड्यांची व्यवस्था केली आहे. रेल्‍वे क्रं. ०११७१ - मुंबई सीएसएमटी ते सावंतवाडी - ही गा़डी मुंबईहुन १३ सप्टेंबर ते २ ऑक्टोबर दरम्यान रोजी रात्री १२.२० वाजता सुटणार आहे.

सावंतवाडीला त्याच दिवशी दुपारी २.२०ला पोहोचेल. ट्रेन क्रमांक ०११७२ ही सावंतवाडी ते मुंबई सीएसएमटी ही गाडी १३ सप्टेंबर ते २ ऑक्टोबर दरम्यान दररोज सावंतवाडीहून संध्याकाळी ३.१०ला सुटेल व

मुंबईला दुसऱ्या दिवशी पहाटे ४.३५ला पोहोचेल.

ट्रेन क्रमांक ०११५३ - दिवा जंक्शन ते रत्नागीरी ही गाडी १३ सप्टेंबर ते २ ऑक्टोबर दरम्यान रोज दिवाहून सकाळी ७.१०ला सुटेल व रत्नागिरीला त्याच दिवशी २.५५ला पोहोचेल. ०११५४ क्रमांकाची ट्रेन रत्नागिरीहून संध्याकाळी ३.४० वाजता सुटेल व दिवा जंक्शनला त्याच दिवशी रात्रो १०.४० वाजता पोहोचेल.

ट्रेन क्रमांक ०११६७ ही लोकमान्य टिळक टर्मिनस ते कु़डाळ दरम्यान १३, १४, १९,२०, २१, २४, २५,२६,२७, २८ सप्टेंबर व १ ऑक्टोबर रोजी लोकमान्य टिळक टर्मिनसहून रात्री १०.१५ वाजता सुटेल व दुसऱ्या दिवशी सकाळी ९.३० वाजता कुडाळला पोहोचेल.

०११६८ क्रमांकाची ट्रेन कुडाळहुन १४, १५, २०, २१,२२, २५, २६, २७,२८, २९ सप्टेंबर व २, ३ ऑक्टोबर रोजी सकाळी १०.३० वाजता सुटेल व लोकमान्य टिळक टर्मिनस येथे त्याच दिवशी रात्रो ९.५५ वाजता पोहोचेल.

ट्रेन क्रमांक ०११६९ पुणे ते करमळी दरम्यान गाडी १५, २२ व २९ सप्टेंबर रोजी पुण्याहुन संध्याकाळी ६.४५ वाजता सुटेल व करमळीला दुसऱ्या दिवशी सकाळी १० वाजता पोहोचेल.

०११७० क्रमांकाची गाडी कुडाळहून १७, २४, सप्टेंबर व १ ऑक्टोबर रोजी संध्याकाळी ४.०५ वाजता सुटेल व पुण्याला दुसऱ्या दिवशी पहाटे ५.५०ला पोहोचेल.

ट्रेन क्रमांक ०११८७ ही रेल्वे करमळी ते पनवेल दरम्यान धावणार आहे. ही गाडी १६, २३ व ३० सप्टेंबर रोजी करमळीहून दुपारी २.५० वाजता सुटेल व पनवेलला दुसऱ्या दिवशी पहाटे २.४५ वाजता पोहचेल.

०११८८ क्रमांकाची गाडी पनवेलहून १७,२४,सप्टेंबर व १ ऑक्टोबर या दिवशी पहाटे ५ वाजता सुटेल व कुडाळला दुपारी २ वाजता पोहोचेल.

मुंबई ते मडगाव धावणार खास गाडी

ट्रेन क्रमांक ०११५१ व ०११५२ मुंबई सीएसएमटी ते मडगाव व परत ही गाडी १३ सप्टेंबर ते ३ ऑक्टोबरदरम्यान धावणार आहे. ०११५१ क्रमांकाची गाडी १३ सप्टेंबर ते २ ऑक्टोबर कालावधीत मुंबईहून सकाळी ११.५० वाजता सुटेल व मडगावला दुसऱ्या दिवशी पहाटे २.१०ला पोहोचेल. ०११५२ क्रमांकाची गाडी १४ सप्टेंबर ते ३ ऑक्टोबर या कालावधीत धावणार आहे.