Vasco Crime: दक्षिण गोव्यात वास्को येथील नानकनगर न्यू वाडे परिसरात तब्बल सहा दुचाकी पेटवून दिल्याची घटना घडली आहे. दुचाकी मालकाने याबाबत संशय व्यक्त केला असून वास्को पोलिसांत याप्रकरणी गुन्हा दाखल झाला आहे.

सुरवातीला ४ दुचाकांनी आग लागली. त्यानंतर आणखी दोन दुचाकी त्या आगीत बळी पडल्या. चार दुचाकींचे पुर्ण नुकसान झाले आहे तर दोन दुचाकींचे थोड्या प्रमाणात नुकसान झाले आहे.

अॅक्टिव्हा १२५ (जीए ०६ एसी ०२४१), हीरो माएस्ट्रो (जीए ०६ जे ९७६४), होंडा डीओ (जीए ०६ एच ०२६२), अॅक्टिव्हा १२५ (जीए ०६ क्यु ०९१५) या गाड्या या आगीत खाक झाल्या आहेत. तर हीरो होंडा पॅशन प्रो (जीए ०६ एच १७४१) आणि पल्सर या दुचाकींचे थोडे नुकसान झाले आहे.

स्थानिकांनी ही आग विझवली. त्यामुळे दोन गाड्या वाचल्या. दोन पंचांच्या उपस्थितीत या घटनेचा पंचनामा करण्यात आला आहे. या प्रकरणी पुढील तपास सुरू आहे.