मराठी सिनेसृष्टीतील प्रसिद्ध अभिनेता सिद्धार्थ जाधवने गोव्यातून एक व्हिडिओ शेअर केला आहे. विमानतून उतरल्यानंतर सिद्धूने नामांकित विमान कंपनीच्या व्यवस्थापनावर संताप व्यक्त केला आहे.
सिद्धार्थ जाधव विमानाने मुंबईतून गोव्यात दाखल झाला, मात्र जेव्हा त्याने सामानाची बॅग पाहिली तर त्याची मोडतोड दिसून आले. यावरुन सिद्धार्थने विमान कंपनीच्या व्यवस्थापनाबाबत नाराजी व्यक्त केली.
गोवा विमानतळावर दाखल होताच सिद्धार्थ जाधवने एक व्हिडिओ शेअर केला. सिद्धार्थचे सामान असलेल्या बॅगची मोडतोड झाल्याचे व्हिडिओतून दिसत आहे.
नमस्कार मी सिद्धार्थ जाधव, नुकताच इंडिगो फ्लाइटने मुंबईहून गोव्याला आलोय. तुम्ही स्वत:च बघा त्यांनी माझ्या बॅगेची कशी काळजी घेतलीय.
या लोकांनी माझ्या बॅगेचा फक्त हँडलच व्यवस्थित ठेवलाय. बाकी तुम्हीच माझी संपूर्ण बॅग बघा. इंडिगो तुम्ही ज्या पद्धतीने माझ्या सामानाची काळजी घेतलीये हे पाहून मला छान वाटलं, असे मिश्किलपणे बोलत सिद्धार्थने कंपनीच्या व्यवस्थापनावर संताप व्यक्त केला.
सिद्धार्थच्या या व्हिडिओ पोस्टवर अनेकांनी मत व्यक्त केले आहे. एकाने हा व्यवस्थापनाचा निष्काळजीपणा असून, अधिकृत तक्रार दाखल करणं आवश्यक असल्याचा सल्ला दिला. दुसऱ्या एकाने बॅगचे हाल पाहून माणंस शाबुत घेऊन या म्हणजे झालं, असे म्हणत भावा यापेक्षा तू एसटीने गेला असतास, अशी प्रतिक्रिया दिली.
दरम्यान, विमान कंपनीने सिद्धार्थच्या या पोस्टची दखल घेत त्याला प्रितिक्रिया दिली. झालेल्या नुकसानाची माहिती देण्यासाठी त्याला नंबर देण्याची विनंती केली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.