Singing Program: शिरोडा चिकणगाळ-शिरोडा येथे रविवार, २६ रोजी सायंकाळी ५ वाजता गोमंतकीय प्रसद्ध गायक अंबर मिरिंगकर, प्राची जठार आणि गौरांगी मिरिंगकर यांच्या गायनाचा कार्यक्रम होणार आहे.

येथील श्रीमद्‍ शांताप्रसाद अद्वैतानंद यांच्या समाधी मंदिरात स्वामींच्या जन्मशताब्दी वर्ष महोत्सव सांगतेनिमित्त आयोजित केलेल्या सहमुख महारुद्र स्वाहाकार समारंभात या कार्यक्रमाचे आयोजन केले आहे.

हे कलाकार भक्तिगीते, भावगीते सादर करणार आहेत. सायंकाळी ६.३० वाजता पुणे येथील प्रसिद्ध कीर्तनकार संदीपबुवा माणके यांचे कीर्तन होणार आहे. त्यांना हार्मोनियम साथ अनय घाटे तर तबलासाथ रुद्राक्ष वझे हे करणार आहेत. या कार्यक्रमाला रसिकांनी उपस्थित राहावे, असे आवाहन उद्योजक जयंत मिरिंगकर यांनी केले आहे.