Navratri Utsav : पणजी माटववाडा-बिठ्ठोण येथील श्री शंभो महादेव संस्थानतर्फे श्रीदुर्गा देवीचा नवरात्रोत्सव व मखरोत्सवासह विविध धार्मिक व सांस्कृतिक कार्यक्रमांसह साजरा करण्यात येणार आहे. यानिमित्त दररोज रात्री ८ वा. मखरोत्सव होणार आहे.

तसेच दररोज घुमट आरत्या, तीर्थप्रसाद व नंतर दांडिया असे विविधांगी कार्यक्रम होणार आहेत. १५ ऑक्टोबर रोजी सकाळी ७ वा. अभिषेक, घटस्थापना, दुर्गापूजन आदी विधी पार पडल्या.

१६ रोजी विविध धार्मिक कार्यक्रम होतील. रात्री ८ वा. मखरोत्सव, घुमट आरत्या, तीर्थप्रसाद, नंतर महाप्रसाद होईल.

१७ रोजी विविध धार्मिक कार्यक्रम होतील. महारुद्र हनुमान आरती मंडळ, पर्वरीतर्फे घुमट आरत्या होतील. १८ रोजी विविध धार्मिक कार्यक्रम होतील. तीर्थप्रसाद व दांडिया होईल.

१९ रोजी अनंत शिवसाई घुमट आरती मंडळातर्फे घुमट आरत्या सादर होतील. २० रोजी मखरोत्सवानंतर बाळगोपाळांतर्फे घुमट आरत्या होतील.

२१ रोजी मखरोत्सवानंतर सातेरी आरती मंडळ, म्हापसा यांच्यातर्फे घुमट आरत्या सादर होतील. २२ रोजी संध्या. ६ वा. नागेश महारुद्र भजनी पथक कुडका यांच्यातर्फे भजन सादर होणार आहे.

२३ रोजी संध्या. ७ वा. बालिका पूजन होईल. २४ रोजी घट विसर्जन व दसरा साजरा होईल.