मडगाव : सोनसोडोवर शुक्रवारी लागलेली आग ही मानवनिर्मित असल्याचा थेट आरोप करताना शेडो कौन्सिलने या आगीची गुन्हा अन्वेषणाकडून चौकशी केली जावी अशी मागणी केली आहे. हा चौकशी अहवाल जाहीर केला जावा. त्यामुळे लोकांना सत्य कळून येईल, असे साव्हियो कुतिन्हो यांनी म्हटले आहे. (shadow council demands enquiry of Sonsodo Fire News Updates)

संघटनेचे निमंत्रक असलेल्या कुतिन्हो यांनी मिथेन वायुमुळे किंवा मनोविकासमधील वेल्डिंगमुळे ठिणगी पडून ही आग भडकली यावर कोणाचाच विश्वास नाही. सोनसोडोवरील काही मोठे कचरा व्यवस्थापन प्रस्ताव हातावेगळे करण्यासाठीही हा प्रकार घडवून आणण्याची शक्यता असून चौकशीतून ते उघड होईल, असं म्हटलं आहे.

सरकार खरेच सोनसोडोबाबत प्रामाणिक असेल तर त्याने सरकारी कार्यालयांऐवजी तेथे सीसीटीव्ही कॅमेरे बसवावेत तर आगीच्या घटना टळतील आणि परिसरांतील रहिवाशांच्या समस्या टळतील, असे सुचवून कुतिन्हो यांनी आग विझवण्यासाठी अग्निशमन दलाने त्यासाठी घेतलेल्या अथक प्रयत्नांची प्रशंसा केली आहे. पालिकेने त्या जवानांना पिण्यासाठी पाणीही पुरविण्याची तसदीही न घेतल्याने ते काम शेडो कौन्सिलने केल्याचंही त्यांनी नमूद केले.