मडगाव : मडगाव रेल्वे स्थानक परिसरात अमली पदार्थ विकण्याचा व्यवहार तेजीत चालू असतानाच काल रात्री उशिरा मडगाव पोलिसांनी केलेल्या कारवाईत शेन डोमेरिस या 27 वर्षीय युवकाला अटक केली. त्याच्याकडून 2.70 किलो गांजा जप्त केला. या मालाची किंमत बाजारात 2.70 लाख रुपये आहे. (Drugs Seized in Madgaon News Updates)
मडगावचे पोलीस निरीक्षक सचिन नार्वेकर यांनी दिलेल्या माहितीनुसार शेन गांजा विकण्यासाठी रेल्वे स्टेशन आवारात असलेल्या फायर ब्रिगेड स्टेशनजवळ येणार अशी माहिती पोलिसांना मिळाल्यावर या परिसरात सापळा रचून त्याला जेरबंद केले. हा माल ओडिशातून आणला असावा अशी शक्यता मडगाव पोलिसांनी व्यक्त केली आहे.
सध्या या प्रकरणाचा तपास उपनिरीक्षक सागर धाटकर हे करत असून कारवाईत निरीक्षक नार्वेकर आणि उपअधीक्षक गुरुदास कदम व सनी गुप्ता यांच्या मार्गदर्शनाखाली उपनिरीक्षक विराग परब, सहाय्यक उपनिरीक्षक दिलकुश वेळीप, हवालदार गोरखनाथ गावस, पोलीस शिपाई विशाल प्रभू व कल्पेश खोलकर यांनी भाग घेतला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
