Goa Crime News : मायणा कुडतरी येथे एका 14 वर्षाच्या मुलीवर लैंगिक अत्याचार केल्याची घटना उघडकीस आली होती. याबाबतची तक्रार मुलीच्या आईने मायणा, कुडतरी पोलीस स्टेशनवर नोंदवली होती. पोलिसांनी गुन्हा नोंद करून तपास सुरू केला. तपासाअंती याप्रकरणी पोलिसांनी एका संशयितास अटक केली.

याबाबत अधिक माहिती अशी की, संशयिताने 14 वर्षाच्या मुलीला फसवून तिचे अपहरण करून कोलवा येथे नेले व शीतपेयात गुंगीचे औषध मिसळून एका हॉटेलात नेले व तिच्यावर बलात्कार केला. त्यानंतर हे प्रकरण कोणाला सांगितल्यास जीवे मारण्याची धमकी संशयिताने मुलीला दिली होती.

यानंतर मुलीच्या आईने मायणा, कुडतरी पोलीस स्थानकात तक्रार नोंदवली. या तक्रारीची दखल घेत पोलिसांनी तपास सुरु केला. दरम्यान, पोलिसांनी याप्रकरणी एका 24 वर्षीय संशयित युवकास अटक केली.

संशयित नावेली येथील राहणारा असून स्टिकन फर्नांडिस असे त्याचे नाव आहे. संशयिताला 3 दिवसांची पोलीस कोठडी सुनावण्यात आली आहे. पुढील सुनावणीसाठी बाल न्यायालयात हजर करण्यात येणार आहे.