कॉंग्रेसचे माजी प्रदेशाध्यक्ष गिरीश चोडणकर यांनी एका मंत्र्याच्या कथित सेक्स स्कँडलचा भांडाफोड केला. या सेक्स स्कँडलमध्ये मुरगाव तालुक्यातील एक मंत्री आणि एक महिला पंचसदस्य गुंतल्याचा दावा केला आहे.

ही बातमी शनिवारी (ता.२६) संध्याकाळी वास्को शहरात वाऱ्यासारखी पसरली व तर्कवितर्कांना ऊत आला आहे.

सोशल मीडियावर या मंत्र्याचा व त्या महिला पंचसदस्याचा फोटोही व्हायरल करण्यात आला आहे. शनिवारी संध्याकाळी वास्को शहर तसेच इतर भागात या बातमीविषयी चर्चेला उधाण आले आहे. महिलांसह युवावर्गातही चर्चा चालू होती.

विरोधकांनी तर हा विषय उचलून धरला असून या मंत्र्याला अद्दल घडवायलाच पाहिजे, अशीच चर्चा सुरू आहे. काहींनी आताच जल्लोष सुरू केला आहे. कारण ही बातमी जगजाहीर झाली असून हे प्रकरण दिल्लीत पक्षाच्या वरिष्ठांपर्यंत पोहोचले आहे. त्यामुळे सदर मंत्र्याचे धाबे दणाणले.