सासष्टी: स्थानिक रहिवाशी नितीन नागवेकर यांनी केलेल्या तक्रारीची दखल घेऊन गोवा प्रदूषण नियंत्रण बोर्ड व मडगाव नागरी आरोग्य केंद्रातर्फे फातोर्डा येथील दामोदर तळीच्‍या जलप्रवाहाची पाहणी करण्‍यात आली. (Sewage discharged into famous Damodar Lake in Fatorda)

त्‍यावेळी तळीच्‍या (Lake) पाण्‍यात सांडपाणी मिसळत असल्‍याचे दिसून आले. ही बाब गंभीर असून, मडगाव नगरपालिकेला (Margao Municipality) पत्र लिहून हे सांडपाणी नेमके कोठून येते याची तपासणी करण्याचे आदेश देण्यात येतील, असे संबंधित अधिकाऱ्यांनी सांगितले.

हे सांडपाणी जलप्रवाहात मिसळतेय, त्‍या इमारतीला नोटीस पाठविली जाईल असे आरोग्य केंद्राचे प्रमुख डॉ. सुकोरो क्वाद्रुस यांनी सांगितले. हा परिसर स्वच्छ रहावा तसेच डांसाची पैदास होऊन रोगराई पसरु नये यासाठी आपण प्रदूषण नियंत्रण बोर्ड व आरोग्य केंद्राकडे तक्रार केल्याचे तक्रारदाराने सांगितले. दरम्‍यान, येथील कचऱ्याचा प्रश्र्न सोडविण्यासाठी पालिकेला पत्र लिहिणार असल्याचेही तक्रारदाराने सांगितले.