पणजी : गोवा मुक्ती संग्रामात हिरीरीने सहभाग घेतलेले जेष्ठ स्वातंत्र्यसैनिक गोपाळ चितारी यांचं वृद्धापकाळाने निधन झालं आहे. राष्ट्रपती पुरस्कार प्राप्त शिक्षक गोपाळ चितारी समाजकारणातही सक्रीय होते. शुक्रवारी 13 मे रोजी सकाळी त्यांनी अखेरच्या श्वास घेतला. त्यांच्या पार्थिवावर आजच शुक्रवारी दुपारी तीन वाजता देमानी कुंकळ्ळी येथे अंत्यविधी करण्यात येणार आहे.

गोपाळ चितारी यांच्या निधनाबद्दल मुख्यमंत्री डॉ. प्रमोद सावंत यांनी दुःख व्यक्त केले आहे. राष्ट्रपती पुरस्कार प्राप्त शिक्षक व ज्येष्ठ स्वातंत्र्यसैनिक गोपाळ चितारी यांचे निधन ही दुःखदायक घटना आहे. गोवा मुक्तीलढ्यातील त्यांचे योगदान कायम स्मरणार्थ राहील. त्यांच्या परिवारातील दुःखात मी सहभागी आहे, असे त्यांनी शोकसंदेशात म्हटले आहे.