वास्को: ‘एमव्ही एम्प्रेस’ या देशांतर्गत पर्यटक जहाजाच्या बुधवारी (ता.१८) झालेल्या आगमनाने गोव्याच्या २०२४-२५ या वर्षाच्या सागरी पर्यटन हंगामाला सुरुवात झाली आहे. हे पर्यटक जहाज १३१५ प्रवासी व ५७८ कर्मचारी वर्ग मिळून १८९३ पर्यटकांना घेऊन मुरगाव बंदरात दाखल झाले. पर्यटकांचे स्वागत प्रायोजक जे. एम. बक्षी शिपिंग कंपनीद्वारे करण्यात आले.

२०२४-२५ या सागरी पर्यटन हंगामातील पहिले पर्यटक जहाज बुधवारी सकाळी ९ वाजता मुरगाव बंदरात दाखल झाले. जे. एम. बक्सी या कंपनीच्या प्रायोजनाखाली दाखल झालेल्या एमव्ही एम्प्रेस या देशांतर्गत जहाजातून १३१५ प्रवासी व ५७८ कर्मचारी वर्ग मिळून १८९३ पर्यटक दाखल झाले.

मुरगाव बंदरात स्वागत

मुरगाव बंदरात उतरलेल्या या पर्यटकांनी नंतर गोवा भ्रमंतीसाठी कूच केली. यावेळी पर्यटकांना गोवा भ्रमंतीला नेण्यासाठी पर्यटक बसेस तसेच पर्यटक टॅक्सी मुरगाव हार्बर येथे तैनात होत्या. पर्यटकांनी मिळेल त्या वाहनाने गोवा भ्रमंतीसाठी कूच केली व गोव्याच्या सौंदर्यसृष्टीचा आनंद लुटला व दुपारी परत मुरगाव बंदरात येऊन जहाजात गेले.

मुंबई मार्गे गोव्यात दाखल झालेल्या या पर्यटकांचे स्वागत प्रायोजक जे. एम. बक्षी या शिपिंग कंपनीद्वारे करण्यात आले. संध्याकाळी हे जहाज पर्यटकांना घेऊन अगत्ती लक्षद्वीप येथे जायला रवाना झाले.