पणजी: बहुचर्चित सागरमाला प्रकल्पातील प्रस्तावित ‘सी प्लेन’, लहान विमाने गोव्याच्या पर्यटन क्षमता वाढवतील. त्यामुळे पर्यटनासह आर्थिक संधींची व्याप्ती वाढेल अशी आशा मुख्यमंत्री प्रमोद सावंत यांनी व्यक्त केली.

दिल्लीतील विज्ञान भवनात सागरमाला प्रकल्पाच्या बैठकीत मुख्यमंत्र्यांनी आज बंदर, जहाज बांधणी आणि जलमार्ग वाहतूक मंत्री सर्वानंद सोनोवाल यांच्याशी चर्चा केली. यावेळी केंद्रीय मंत्र्यांसह अनेक राज्यांचे मुख्यमंत्री हजर होते. याबाबत सावंत म्हणाले, ‘प्रकल्पात राष्ट्रीय समुद्र विज्ञान संस्था, राष्ट्रीय ध्रुवीय आणि महासागर संशोधन संस्था, वैज्ञानिक आणि औद्योगिक संशोधन संस्था इत्यादी संस्थांचा समावेश या प्रकल्पामध्ये करावा अशी मागणी आपण केली आहे.’