Vasco: बेट आयलॅण्ड येथे समुद्रात स्कूबा डायव्हिंग करताना हृदयविकाराचा झटका आल्याने मुंबई येथील पर्यटक प्रकाश मधुसूदन खैर यांचा मृत्यू झाला.

मुंबई येथील खैर कुटुंब शनिवारी कळंगुट येथून पर्यटक बोटीतून बेट आयलॅण्ड येथे समुद्रात स्कूबा डायव्हिंग करण्यासाठी आले होते.

यावेळी प्रकाश खैर यांना अस्वस्थ वाटू लागल्याने बोटीवरील कामगारांनी त्वरित बायणा किनाऱ्यावर प्राथमिक उपचारासाठी आणले. दृष्टी संस्थेच्या जीवरक्षकांनी त्यांच्यावर प्राथमिक उपचार केले.

नंतर 108 रुग्णवाहिका बोलावून त्यांना पुढील उपचारासाठी दाबोळी-चिखली येथील उपजिल्हा रुग्णालयात दाखल केले असता तेथील डॉक्टरांनी प्रकाश खैर (72) यांना मृत घोषित केले. या घटनेची माहिती मिळताच मुरगाव पोलिसांनी रुग्णालयात जाऊन घटनेचा पंचनामा केला.