Savoi Verem News : सावईवेरे येथील भूतखांब-आर्ल-केरी या मार्गाची दुरुस्ती सार्वजनिक बांधकाम खात्यातर्फे करण्यात आल्याने वाहनचालकांनी समाधान व्यक्त केले आहे. सावईवेरे ते आर्ल या रस्त्याचे एका बाजूचे डांबरीकरण ठिकठिकाणी उखडले होते.

त्यामुळे खड्डेही पडले होते. वाहनचालक हे खड्डे चुकविण्यासाठी विरुद्ध बाजूने वाहने हाकलत होते, त्यामुळे अनेकदा अपघाताचे प्रसंग उद्‍भवत होते. तसेच येथील एका वळणावर बरेच खड्डे पडलेले होते. हे खड्डेही बुजविल्यामुळे वाहनचालकांनी समाधान व्यक्त केले आहे.