केपे: गोव्‍यातील मराठीला अडीच हजार वर्षांहून अधिक परंपरा लाभलेली आहे. गोव्‍यातील शिक्षण आणि संस्‍कृती या भाषेमुळेच टिकून आहे, असे मत राजेंद्र सुभाष वेलिंगकर यांनी शेल्‍डे येथील श्री सातेरी शांतादुर्गा देवस्थान सभागृहात झालेल्या मराठी राजभाषा निर्धार मेळाव्‍यात व्‍यक्‍त केले. मेळावा उत्साहात पार पडला.

रविवारी झालेल्या या मेळाव्‍याची सुरवात वेलिंगकर यांच्‍या हस्ते झाली. यावेळी मोहनदास गावस देसाई, दिवाकर गावस देसाई, सत्यवान नाईक, त्र्यवेंद्र सावंत, अमीर भगत, रुपाली वेळगेकर, शिवानंद देसाई, ज्योति परशुराम माने, मोहन चंदगडकर उपस्थित होते.

रुपाली वेळगेकर यांनी मराठी भाषेचा गौरवशाली इतिहास विदित करून कार्यक्रमाचे प्रास्ताविक केले. मेळावा आयोजक प्रमुख शिवानंद देसाई यांनी मराठी राजभाषा निर्धार कार्यक्रमाला असेच सहकार्य करावे, अशी आशा व्यक्त करीत आभार मानले. सामुहिक शांतिपाठ मंत्राने ह्या मेळाव्याची सांगता झाली.

दरम्यान, शेल्‍डे मातृशक्ति व युवाशक्तिच्या समित्या जाहीर करण्यात आल्या. त्यात शेल्डे युवाशक्ति समिती : अमीर भगत, साईदीप गावस देसाई, कलश गावस देसाई, मयुर मारुती गोनल, विघ्नेश रामदास गावस देसाई, अभय गावस देसाई. शेल्डे मातृशक्ति समिती: प्रतिमा सं. गावस देसाई, वैशाली शं. गावस देसाई, स्वेता सुदेश नाईक, स्नेहल वि. जगताप, ज्योति परशुराम माने, योजना राजेश नाईक. या मेळाव्यास मराठीप्रेमी मोठ्या संख्येने उपस्थित होते.