Sanquelim Municipal Council Election Result: साखळी नगरपालिका निवडणुकीसाठी वाढलेली मतदानाची टक्केवारी पाहता यावेळी कोण बाजी मारणार, याबाबत सर्वांनाच उत्सुकता लागून राहिली होती. साखळी पालिकेच्‍या 12 प्रभागांसाठी भाजप व ‘टुगेदर फॉर साखळी’ या दोन गटांमध्ये चुरस होती.

काल शुक्रवारी झालेल्या मतदानावेळी दोन्ही गटाचे उमेदवार हे मोठ्या आत्मविश्वासाने वावरताना दिसले. आज सकाळपासून मतमोजणीला सुरुवात झाली असून विजयी उमेदवारांची नावे समोर आली आहेत. यामध्ये भाजपने आपले वर्चस्व सिद्ध केले आहे.

साखळी नगरपालिकेच्या निवडणुकीतील विजयी उमेदवार :

वॉर्ड क्र. 1 : यशवंत माडकर

वॉर्ड क्र. 2 : निकिता नाईक

वॉर्ड क्र. 3 : सिद्धी परब

वॉर्ड क्र. 4 : रश्मी देसाई

वॉर्ड क्र. 5 : प्रवीण ब्लेगन

वॉर्ड क्र. 6 : विनंती पार्सेकार

वॉर्ड क्र. 7 : ब्रम्हानंद देसाई

वॉर्ड क्र. 8 : रियाज खान (बिनविरोध)

वॉर्ड क्र. 9 : आनंद काणेकर

वॉर्ड क्र. 10 : दयानंद बोर्येकर

वॉर्ड क्र. 11 : दीपा जल्मी

वॉर्ड क्र. 12 : अंजना कामत

या निवडणुकीत ‘टुगेदर फॉर साखळी’ गटाला मोठा धक्का बसला आहे. वॉर्ड क्र. 5 मधील उमेदवार प्रवीण ब्लेगन सोडता यापैकी कुणीही निवडून आलेले नाही. धर्मेश सगलानी यांचाही दारुण पराभव झाला आहे.

वॉर्ड क्र. 1 ते 4 आणि 6 ते 12 मधील सर्व विजयी उमेदवार हे भाजप गटाचे असल्याने साखळीमध्ये भाजपने वर्चस्व मिळवले असल्याचे चित्र दिसून येत आहे.