Ponda Municipal Council Election Result: फोंड्यात रवीपुत्र विजयी! पालिका निवडणुकीत 'या' भाजप उमेदवारांची बाजी

Ponda Municipal Council Election Result: फोंडा नगरपालिकेच्या निवडणुकीसाठी काल शुक्रवारी मतदान झाले. 2018 मध्ये झालेल्या निवडणुकीच्या तुलनेत यावेळी कमी मतदान झाले. त्यात पुरुषांपेक्षा महिलांनी जास्त मतदान केले. निवडणुकीवेळी सर्व उमेदवार तसेच त्यांच्या कार्यकर्त्यांची धावपळ झाली. आज (7 मे) सकाळपासून मतमोजणीला सुरुवात झाली आहे. यामध्ये विजयी उमेदवारांची नावे समोर आली असून फोंड्यात भाजपने बाजी मारली आहे.

फोंडा नगरपालिकेच्या निवडणुकीतील विजयी उमेदवार :

वॉर्ड क्र. 1 : रॉय रवी नाईक

वॉर्ड क्र. 2 : विरेंद्र ढवळीकार

वॉर्ड क्र. 3 : ज्योती नाईक

वॉर्ड क्र. 4 : व्यंकटेश नाईक

वॉर्ड क्र. 5 : रितेश रवी नाईक

वॉर्ड क्र. 6 : शौनक विनायक बोरकर

वॉर्ड क्र. 7 : विश्वनाथ दळवी (बिनविरोध)

वॉर्ड क्र. 8 : प्रतीक्षा नाईक

वॉर्ड क्र. 9 : रुपक देसाई

वॉर्ड क्र. 10 : दीपा कोलवेकर

वॉर्ड क्र. 11 : वेदिका वळवईकर

वॉर्ड क्र. 12 : शिवानंद सावंत

वॉर्ड क्र. 13 : विध्या पुनाळेकर

वॉर्ड क्र. 14 : आनंद नाईक

वॉर्ड क्र. 15 : गिताली तळावलीकर

मतमोजणीवेळी वॉर्ड क्र. 15 च्या उमेदवार गिताली तळावलीकर आणि संपदा नाईक यांना मिळालेल्या मतांमध्ये समानता असल्याने काही काळ या प्रभागाचा अंतिम निकाल रोखून ठेवण्यात आला होता. मात्र माहितीनुसार, वॉर्ड क्र. 15 मध्ये 402 मते समांतर झाल्याने निर्वाचन अधिकारी यांनी लॉट्समधून गीताली तळावलीकर यांना विजयी घोषित केले, तर संपदा नाईक यांना पराभव पत्करावा लागला.

फोंडा पालिकेचा निकाल पाहता, साखळी पालिकेप्रमाणे इथेही भाजपने आपले वर्चस्व सिद्ध केले आहे. एकूण 15 जागांपैकी 10 जागांवर भाजप गटाचे उमेदवार निवडून आले आहेत, यामध्ये वॉर्ड क्र. 1, 2, 3, 5, 6, 7, 9, 10, 13 आणि 14 प्रभागांचा समावेश आहे. वॉर्ड क्र. 8, 11,12 आणि 15 मध्ये रायजिंग फोंडा गटाचे उमेदवार विजयी झाले आहेत, तर वॉर्ड क्र. 4 मधून अपक्ष उमेदवार निवडून आला आहे.