Art Festival : सांगे, वाडे कुर्डी येथील ओंकार कला संघने आयोजित केलेल्या दोन दिवशीय कला महोत्सवाला मोठा प्रतिसाद लाभला असून उपस्थित मान्यवरांनी आयोजकांचे अभिनंदन केले.

सार्वजनिक गणेशोत्सव मंडळाच्या सभा मंडपात ओंकार कला संघ आणि कला आणि संस्कृती खात्याच्या संयुक्त विद्यमाने आयोजित कला महोत्सवात विविध प्रकारची लोक परंपरा, लोक संस्कृती, नाच, गाणी, फुगडी धालो, समई नृत्य अशा अनेक प्रकारच्या लोक संस्कृतीचे दर्शन घडले.

कला आणि संस्कृती खात्याचे संचालक सगुण वेळीप, जिल्हा पंचायत सदस्य सुरेश केपेकर, वाडे कुर्डीचे सरपंच प्रज्योत गावकर, पंचायत सदस्य जुजेफिन फेर्नांडिस, चंदन उनंदकर, ओंकार कला संघांचे अध्यक्ष पावटो गावकर उपस्थित होते.

संचालक सगुण वेळीप म्हणाले की, अशा कार्यक्रमातून ग्रामीण भागातील लोक कला, लोक संस्कृती जतन होण्यासाठी खूप मोठी मदत होत असते.

आपली परंपरा नष्ट होत चालली आहे. तिचे जतनासाठी कला-संस्कृती खाते सहकार्य करेल. युवकांनी पुढाकार घ्यावा,असे आवाहन त्यांनी केले.