Goa Cricket : क्रिकेट स्‍पर्धेत वर्णव स्ट्रायकर विजेता

Goa Cricket : सांगे, येथील शासकीय क्रीडा मैदानावर अखिल गोवा पातळीवर चार दिवस आयोजित केलेल्या धनगर प्रीमियर लीग क्रिकेट स्‍पर्धेचे विजेतेपद वर्णव स्ट्रायकर या संघाने पटकावले. त्‍यांना ६६,६६६ रुपये व आकर्षक चषक देण्‍यात आला.

४४,४४४ रुपयांचे द्वितीय पारितोषिक साईश ब्रदर्स संघाला मिळाले. पारितोषिक वितरण समारंभाला समाजकल्याणमंत्री सुभाष फळदेसाई, माजी उपमुख्यमंत्री बाबू कवळेकर, माजी खासदार विनय तेंडुलकर, जीसीएचे सचिव रोहन देसाई,

केपेच्या नगराध्यक्ष सुचिता शिरवईकर, इतर पंच, समाजाचे नेते उपस्‍थित होते. उपांत्‍य फेरीतील विजेत्या संघाला ११,१११ रुपयांचे बक्षीस देण्‍यात आले. राज्‍यातील मातब्‍बर असे आठ संघ या स्पर्धेत सहभागी झाले होते.

मालिकावीर ठरलेल्‍या रुपेश शेळके याला रेफ्रिजेटरचे बक्षीस प्राप्‍त झाले. धनगर लीगचे अध्यक्ष गणपत मोडक, विठोबा खरात, सिद्धेश लांबोर, गुणा दमेकर, राजेश कवळेकर, बोमो लांबोर, विठू बरगडे, बाळा शेळके, नकुल काळे, दिलेश शिंगाडी आदी समाज पदाधिकारी व्यासपीठावर उपस्थित होते.