Salaulim Dam Illuminated With Tricolour : आजादी का अमृत महोत्सवाच्या पार्श्वभूमीवर सांगेतील साळावली धरणावर आज तिरंग्याच्या रंगातील विद्युत रोषणाई करण्यात आली. स्थानिक आमदार तथा पुरातन खात्याचे मंत्री सुभाष फळदेसाई व जलस्त्रोतमंत्री सुभाष शिरोडकर यांच्या हस्ते उद्घाटन करण्यात आले.

लोकांमध्ये देशप्रेम जागे करण्यासाठी तसेच या धरणाला भेट देणाऱ्या पर्यटकांना आकर्षित करण्याच्या हेतूने ही विद्युत रोषणाई करण्यात आली आहे. नागरिकांना रात्री 9 वाजेपर्यंत धरणावर फिरण्याची परवानगी देण्यात आलेली आहे.

यावेळी मंत्री फळदेसाई म्हणाले, 'साळावली धरणावर आजादी का अमृत महोत्सवाच्या पार्श्वभूमीवर विद्युत रोषणाई करण्यात आली. या ठिकाणी विविध कार्यक्रमांचे आयोजन करण्यात आले आहे. धरणांवर फोटोग्राफीसाठी मनाई करण्यात आली आहे परंतू साळावली धरणावर फोटोग्राफीसाठी 31 दिवसांची परवानगी देण्यात आलेली आहे."

"तसेच धरणाच्या जलाशयात लवकरच बोटींग सुरु करण्यात येणार आहे. येथील सोमेश्वर मंदिर, उद्यानाला पर्यटक भेट देवू शकतात" असे फळदेसाई म्हणाले.

साळावली धरणावरील मनमोहीत करणारी ही तिरंग्याच्या रंगातील विद्युत रोषणाई सर्वांनी येवून पहावी असे आवाहन मंत्री सुभाष फळदेसाई व जलस्त्रोतमंत्री सुभाष शिरोडकर यांनी केली.