गोमंतभूमीतील पर्यावरणाचे संरक्षण, संवर्धनासाठी गोमन्तक-सकाळ माध्यम समूहाने सोमयाग यज्ञ उत्सवाचे आयोजन केले आहे.

म्हापसा येथे 5 ते 10 फेब्रुवारी या कालावधीत सकाळ, गोमन्तक आणि गोमन्तक टाइम्सतर्फे ‘सोम याग यज्ञ महोत्सव 2023 रोजी होणार आहे.

रविवारपासून सुरू होणाऱ्या या सोमयाग यज्ञाच्या पार्श्वभूमीवर श्री. विश्वाटी विश्वेश्वर देवस्थान, म्हापसा येथे दिंडी दाखल झाल्या आहेत.

सोमयाजी सुहोता दीपक आपटे यांच्या हस्ते यज्ञासाठी आवश्यक असणारी सामग्री (अरणी) यज्ञस्थळी आणण्यात आली.

यावेळी या सामग्रीची विधीवत पूजन करण्यात आले.

यज्ञ परिसरात यावेळी उत्साहाचे वातावरण पाहायला मिळाले.

‘अग्निष्टोम’, ‘अत्यग्निष्टोम’, ‘उक्थ्य’, ‘षोडशी’, ‘वाजपेय’, ‘आप्तोर्याम’ आणि ‘अतिरात्र’, असे सोमयागाचे सात प्रकार मुख्यत्वे करून आहेत. म्हापशात जो सोमयाग होणार आहे, तो ‘अग्निष्टोम सोमयाग’ आहे.

समस्‍त गोमंतकीयांनी या सोहळ्यात सहभागी व्‍हावे व मांगल्‍य, प्रसन्‍नतेची अनुभूती घ्‍यावी, असे आवाहन सोमयाजी सुहोता दीपक आपटे (दीक्षित) यांनी केले आहे.