वास्को: साहिल झा संपूर्ण भारतात सायकलवर माती वाचवा जागृती निर्माण करण्याच्या मोहिमेवर आहे. मे 2020 रोजी सायकल प्रवास सुरू केला असून याद्वारे देशातील माती वाचवासाठी भ्रमंती करणार आहे. साहिल झा वय 17 हा त्याच्या सायकलवरुन संपूर्ण भारतभर माती वाचवा चळवळीबद्दल जागरूकता निर्माण करण्यासाठी जागृती मोहिमेवर आहे.

(Sahil Jha to campaign bicycle for save soil)

वास्को शहर दौऱ्यावर असताना त्याच्या या उदात्त उपक्रमाबद्दल मुरगाव नगरपरिषदेतर्फे सत्कार करण्यात आला. साहिल झा यांनी पत्रकारांना सांगितले की, सायकल चालवण्याची आणि माती वाचवा चळवळीबद्दल जागृती करण्याची प्रेरणा मिळाली कारण येत्या काही वर्षांत आपले अन्न उत्पादन 50 टक्क्यांहून कमी होणार आहे.

अन्न उत्पादन 50 टक्क्यांहून कमी झाल्याने याचा मानवावर गंभीर परिणाम होईल. त्यामूळे मानवाने याबाबत सतर्कता दाखवत काळजी घेणे आवश्यक आहे. ते पुढे म्हणाले की, या सायकल जागृतीमागील मुख्य उद्दिष्ट म्हणजे कामाच्या आसपासच्या जमिनीतील सेंद्रिय घटक वाढवणे आणि आपल्या जमिनी ऱ्हास होण्यापासून वाचवणे.