राज्यात मंत्रिमंडळ बदलाची केवळ चर्चा सुरू असून याबाबत कोणत्याही स्वरूपाचा ठोस निर्णय झालेला नाही वा मंत्रिमंडळात आणि आमदारांमध्ये कसलीच अस्वस्थता नाही, असे भाजपचे प्रदेशाध्यक्ष सदानंद शेट तानावडे यांनी आज स्पष्ट केले.

तानावडे म्हणाले, भाजपचे संघटन सरचिटणीस बी. एल. संतोष हुबळी दौऱ्यावर जात असताना गोव्यात थांबले होते. यामुळे राजकीय चर्चांना जोर आला असला, तरी सध्या तरी मंत्रिमंडळात फेरबदल अथवा अस्वस्थता नाही.

राज्यात सुरू असलेल्या सामाजिक न्याय आठवड्याच्या निमित्ताने आयोजित कार्यक्रमानंतर ते पत्रकारांशी बोलत होते. यावेळी उपसभापती जोशुआ डिसोझा, आमदार प्रवीण आर्लेकर उपस्थित होते. अनुसूचित जाती (एससी) समाजातील विविध क्षेत्रात कार्यरत असलेल्या मान्यवरांचा सत्कार करण्यात आला.