पणजी : राज्याच्या साधन सुविधांमध्ये संख्यात्मक व गुणात्मक वाढ करण्याच्या दृष्टीने स्थापन केलेल्या गोवा आर्थिक विकास महामंडळाला सरकारकडून मिळालेल्या भागभांडवलाचे व्याज म्हणून 12.80 कोटी रुपये आज सरकारला देण्यात आले. 84 कोटी रुपये लाभांश लवकरच दिले जातील अशी माहिती तानवडे यांनी दिली आहे.

महामंडळाचे अध्यक्ष सदानंद शेट तानावडे यांनी मुख्यमंत्री डॉ. प्रमोद सावंत यांच्याकडे हा व्याजाच्या रक्कमेचा धनादेश दिला. यावर्षी महामंडळाला 52 कोटी रुपये नफा झाला असून मागील वर्षी तो 73 कोटी होता. यावेळी बोलताना मुख्यमंत्री डॉ. प्रमोद सावंत (Pramod Sawant) म्हणाले, की गोवा आर्थिक विकास महामंडळाचा कारभार इतरांसाठी आदर्श असून इतर महामंडळानेही याच्या पद्धतीने आपला कारभार करणे गरजेचे आहे.

महामंडळे स्वयंपूर्ण आणि स्वावलंबी होणे गरजेचे आहे. तरच ही महामंडळ चालतील महामंडळाकडून मुख्यमंत्री (CM) रोजगार योजना राबविण्यात येत असून या पुढच्या काळात ही अशा प्रकारचे उपक्रम चालूच राहतील. याशिवाय राज्यातील युवकांना रोजगार (Employment) संधी उपलब्ध करून देण्यासाठी महामंडळ कार्यरत असेल, असंही पुढे बोलताना मुख्यमंत्री म्हणाले आहेत.