बार्देश, डिचोली तालुक्यात (Bardez And Bicholim) पुढील तीन दिवस मर्यादित पाणीपुरवठा होणार आहे. अस्नोडा येथील जल प्रक्रिया केंद्रात तातडीचे दुरूस्ती काम असल्याने 18 ते 20 ऑगस्ट दरम्यान, बार्देश, डिचोली तालुक्यात मर्यादित पाणीपुरवठा होईल. सार्वजनिक बांधकाम विभागाच्या कार्यकारी अभियंतांने याबाबत अधिकृत सूचना जारी केली आहे. त्यामुळे बार्देश, डिचोली तालुक्यातील नागरिकांना पुढील तीन दिवस पाणी टंचाईचा सामाना करावा लागू शकतो. दोन्ही तालुक्यातील नागरिकांना तीन पाण्याचा जपून वापर करावा लागेल.

दरम्यान, प्रत्येक घराला पाणी पुरवठा करून 100 टक्के 'हर घर जल' प्रमाणित होणारे गोवा पहिले राज्य ठरले आहे. केंदिय मंत्रालयाच्या जल शक्ती खात्याच्या जल जीवन मिशन अंतर्गत गोव्याला हे प्रमाणपत्र मिळाले आहे. अशी माहिती मुख्यमंत्री प्रमोद सावंत यांनी दिली आहे. गोवा सार्वजनिक बांधकाम विभागाने प्रत्येक घरी नळाचे पाणी पोहचविण्याचे काम केले असल्याचे सावंत म्हणाले.

गोव्यातील 1 लाख 10 हजार कुटुंबियांना शुन्य पाणी बिल योजनेचा लाभ झाला आहे. असा दावा भाजपच्या वतीने करण्यात आला आहे. गोवा मोफत पाणी योजनेत अंतर्गत अनेक लाभार्थी गोमंतकीयांचा समावेश असून, पाण्याचा वापर देखील कमी झाल्याचे गोवा भाजपने म्हटले आहे.