Repair Work at Karmal Ghat: करमलघाटातील तीव्र धोकादायक वळणावर १९ जून रोजी जीवघेणा अपघात घडला.याआधी या वळणावर ९ अपघात घडले आहेत. या पार्श्‍वभूमीवर हे धोकादायक वळण हटवण्याचे कामाला आज (२१ रोजी) प्रारंभ होणार आहे.

या कामासाठी याआधीच निधी मंजूर करण्यात आला होता. गेल्या सप्ताहात सभापती तवडकर यांच्या उपस्थितीत स्थानिक बुधवंत वेळीप यांच्याहस्ते नारळ वाढवून कामाचा शुभारंभ करण्यात आला असला तरी प्रत्यक्षात दि. २१ रोजी, प्रत्यक्ष कामाला सुरुवात करण्यात येईल,अशी माहिती सभापती रमेश तवडकर यांनी दिली.

दरम्यान, १९ जून रोजी, अंधेरी मुंबई येथील मडगाव येथील जिल्हा इस्तपितळात उपचारासाठी दाखल केलेल्या ३ तर बांबोळी इस्पितळात दाखल केलेल्या एका विद्यार्थी पर्यटकाला आज २० रोजी, डॉक्टरांनी घरी जाऊ दिले. तसेच त्या अपघातात मरण पावलेल्या वरुण गांधी (१९) यांचा मृतदेह आज मुंबईहून आलेल्या नातेवाईकांकडे सोपवला. संरक्षक कठडे असते, तर अशी दुर्घटना घडली नसती, असे काणकोण पोलिस निरीक्षक चंद्रकांत गावस यांनी सांगितले.

या धोकादायक वळणावर ९ अपघात झालेले आहेत.

तवडकरांच्या प्रयत्नांमुळे प्रश्‍न मार्गी

रस्त्याच्या कठडा कोसळल्याने व हॉटमिक्स डांबरीकरण केल्यानंतर हा रस्ता अधिक धोकादायक बनला आहे. भूमिपुरुष देवस्थान ते आगोंद जंक्शन पर्यंत दोन्ही बाजूनी दोन -दोन मीटर रस्ता रुंदीकरण करून कठडा बांधला जाईल.

शिवाय तीव्र वळणाजवळ कठडा बांधण्यात येणार आहे. शिवाय खड्डे, बार्सेपर्यंत रस्ता सुरक्षित करण्याचे काम रु. ४ कोटी खर्चून होणार आहे. या कामात काही तांत्रिक अडचणी आल्या होत्या. मात्र सभापती तवडकर यांनी हा प्रश्न धसास लावला, असे सूत्रांकडून सांगण्यात आले.