TamilNadu Tourist Car Accident In Calangute : कळंगुट-साळगावला जाणाऱ्या रस्त्यावरील डॉल्फिन सर्कलजवळ एका ओव्हर स्पीडिंग स्विफ्ट कारने एका दुभाजकाला धडक दिल्याने शनिवारी अपघात झाला होता. या या अपघातात रघूल (18 ) व कौशिक (19) हे तामिळनाडूमधील दोन पर्यटक गंभीर जखमी होते. त्यांच्यावर गोमेकॉत उपचार सुरू होते.

दरम्यान यातील गंभीर जखमी रघूल (18, तामिळनाडू ) याचा उपचारादरम्यान मृत्यू झाला आहे. तर चालक कौशिक याला रुग्णालयातून डिस्चार्च देण्यात आला आहे.

याबाबत अधिक माहिती अशी की, तामिळनाडूच्या पर्यटकांनी रेंट अ कॅब कार भाड्याने घेतली होती. ते साळगावहून कळंगुटच्या दिशेने येताना कार डॉल्फिन सर्कलजवळ पोहोचताच कारचा टायर फुटला व चालकाचा ताबा सुटून कार दुभाजकास धडकली व तब्बल सहा ते सातवेळा पलटी होऊन दुसऱ्या लेनमधील एका टॅक्सीवर जाऊन आदळली व स्थिरावली.

या अपघातात रेंट अ कारमधील दोघेही पर्यटक गाडीबाहेर फेकले गेले. दोघेही पर्यटक गंभीर जखमी झाल्याने त्यांच्यावर गोमेकॉत उपचार सुरु होते. यातील रघूल (18, तामिळनाडू ) याचा उपचारादरम्यान मृत्यू झाला आहे. तर चालक कौशिक याला रुग्णालयातून डिस्चार्च देण्यात आला आहे.