पणजी: कोरोनामुळे मागील दोन वर्षे खोळंबलेला गोवा मराठी चित्रपट महोत्सव (Goa Marathi Film Festival) 05 ऑगस्टपासून पणजीत सुरू होणार आहे. या चित्रपटासाठी ऑनलाइन पास नोंदणी सुरू झाली आहे. तसेच, ऑफलाईन पास मिळण्याची देखील काही ठिकाणी सोय करण्यात आली आहे. महोत्सवात 22 मराठी चित्रपटांची पर्वणी रसिकांना मिळणार आहे. यावेळी ज्येष्ठ चित्रपट अभिनेते अशोक सराफ (Ashok Saraf) यांचा मुख्यमंत्री डॉ. प्रमोद सावंत (CM Pramod Sawant) यांच्या हस्ते कृतज्ञता पुरस्कार देऊन सन्मान करण्यात येईल.

अशा पद्धतीने मिळवता येईल पास

प्रेक्षक ऑनलाईन तसेच ऑफलाइन पद्धतीने पास मिळवू शकतात. 'गोवा' या अॅप किंवा वेबसाइटवर तसेच www.bookmyshow.com वर ऑनलाइन नोंदणी करू शकतात. प्रत्यक्ष पास नोंदणीसाठी पणजी विन्सन ग्राफिक्स, 309 , गेरा इम्पेरियम 2 रिट्झ पाटो बिल्डिंग, पाटो, वास्को- विन्सन ग्राफिक्स, हॉटेल अनंता श्रमजवळ, मडगाव-माया बुक स्टोअर, विट्रोज मॅन्शन, इसिडोर बाप्टिस्टा रोड, मडगाव, फोंडा - मोहक डिझायनर्स, नूतन मेडिकल स्टोअरजवळ, फोंडा येथे नोंदणी करता येईल.

महोत्सावाला अभिनेत्री सोनाली कुलकर्णी, सुबोध भावे, नेहा पेंडसे, सई ताम्हणकर, अमेय वाघ, किशोर कदम, मृण्मयी गोडबोले, संजय जाधव, सुहरुद गोडबोले, सचिन कुंडलकर, आदित्य सरपोतदार, अनंत महादेवन, प्रसाद ओक, गजेंद्र अहिरे अशा अनेक मराठीतील प्रसिद्ध कलाकारांची उपस्थिती असेल.