पणजी, आपल्याला वाचन संस्कृती वाढवायची असेल तर वाचनालयात येणाऱ्या वाचकांसोबत, विद्यार्थ्यांसोबत आपुलकीने बोलून त्यांची रुची कोणत्या विषयात आहे हे समजून त्यांना त्याप्रकारची पुस्तके देणे गरजेचे आहे.
ग्रंथपालांच्या स्वभावावर वाचनसंस्कृती अवलंबून असल्याचे प्रतिपादन शिक्षण संचालक शैलेंद्र झिंगडे यांनी केले.
कृष्णदास शामा मध्यवर्ती वाचनालय आणि राजाराम मोहन रॉय फाउंडेशन यांच्या संयुक्त विद्यमाने माध्यमिक आणि उच्च माध्यमिक विद्यालयातील ग्रंथपालांसाठी आयोजित कार्यशाळेच्या समारोप सत्रात ते बोलत होते.
यावेळी कला आणि संस्कृती संचालक सगुण वेळीप, ग्रंथपाल डॉ. सुशांत तांडेल, शिक्षण संचालनालयाचे पॉल फर्नांडिस, संयोजक नविता दिवाडकर आदी उपस्थित होते.
झिंगडे पुढे म्हणाले की, प्रथम बुकशी सामंजस्य करार करून शाळांना पुस्तके दिली आहेत. प्रास्ताविक डॉ. सुशांत तांडेल यांनी केले. आभार नविता दिवाडकर यांनी मांडले.
ग्रंथपालांचे योगदान महत्त्वाचे : वेळीप
आपल्या सभोवताली काय घडत आहे ? वाचनासंदर्भात नवीन कोणती पुस्तके आली आहेत याची माहिती ग्रंथपालांनी वाचकांना देणे अपेक्षित असते. सुसंस्कृत पिढी घडवत असतो त्यामुळे ग्रंथपालांचे योगदान महत्त्वाचे असते, असे कला आणि संस्कृती संचालक सगुण वेळीप यांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.