Majorda Bull Attack: माजोर्डा येथून एक धक्कादायक घटना समोर आली आहे. येथे बैलाने केलेल्या हल्ल्यात एका व्यक्तीचा जागीच मृत्यू झाला असून अन्य काही जण गंभीर जखमी झाले आहेत. बैलांच्या झुंजीसाठी बैलाला आणण्यात आल्याचा संशय आहे, मात्र झुंज झाली नाही.

दरम्यान, बैलाच्या हल्ल्यात राजेश निस्तानी यांचा जागीच मृत्यू झाला, तर अन्य काहीजण जखमी झाले. त्यानंतर तात्काळ जखमींना उपचारासाठी जवळच्या रुग्णालयात दाखल करण्यात आले. तर घटनेची माहिती मिळताच कोलवा पोलीस घटनास्थळी दाखल झाले असून त्यांनी पुढील तपास सुरु केला आहे.

माजोर्डा येथील एका निर्जन शेतात (Farm) बैलांची झुंज होणार असल्याचे सूत्रांकडून सांगण्यात आले. यासाठीच बैलाला येथे आणण्यात आले होते. त्याचवेळी, ही धक्कादायक घटना घडली. बैलांच्या झुंजीचा खेळ गोव्याच्या काही भागात पारंपारिक मानला जातो, पण तो पूर्णपणे बेकायदेशीर आहे.

अचानक घडली घटना

याच हल्ल्यात राजेश निस्तानी हे गंभीर जखमी झाले आणि त्यांचा जागीच मृत्यू झाला. त्यांच्यासोबत असलेले अन्य काहीजण या हल्ल्यात जखमी झाले. जखमींना तातडीने उपचारासाठी रुग्णालयात (Hospital) हलवण्यात आले असून त्यांच्यावर उपचार सुरु आहेत. ही घटना इतकी अचानक घडली की कोणालाही सावरण्याची संधी मिळाली नाही, असे प्रत्यक्षदर्शींनी सांगितले.

पोलिसांचा तपास आणि 'धीरियो'चा संशय

या घटनेची माहिती मिळताच कोलवा पोलीस तातडीने घटनास्थळी पोहोचले. पोलिसांनी परिसराची पाहणी केली. या दुर्दैवी घटनेने पुन्हा एकदा गोव्यातील बेकायदेशीर बैलांच्या झुंजीचा मुद्दा ऐरणीवर आला आहे. पोलिसांनी या प्रकारांविरोधात कठोर कारवाई करण्याची मागणी स्थानिक नागरिक करत आहेत. या प्रकरणातील पुढील तपशील पोलीस तपासाअंती समोर येईल.