Railway Used For Liquor Smuggling RPF Seizes Alcohol and Arrests Three

मडगाव: रेल्वेचा वापर दारु तस्करीसाठी केला जात आहे. रेल्वे सुरक्षा दलाने या तस्करीवर करडी नजर ठेवली असून, चालू वर्षात आतापर्यंत 38 हजार 622 रुपये किंमतीची दारु जप्त करुन तिघांना अटक केली आहे.

6 लाखांची दारु आणि 45 जण अटकेत

दरम्यान, मागच्या वर्षी 2024 मध्ये याच रेल्वे सुरक्षा दलाने एकूण 6 लाख 16 हजार, 576 रुपयांची दारु पकडली होती. 5420 बाटल्या जप्त करताना 45 जणांना पकडले होते. पकडलेली दारुनंतर पुढील कायदेशीर सोपस्कारासाठी अबकारी खात्याच्या ताब्यात देण्यात आली होती, अशी माहिती रेल्वे सुरक्षा दलाचे अधिकारी विनोद मिश्रा यांनी दिली होती.

गोव्यात स्वस्त दारु

देशाच्या अन्य राज्यांच्या तुलनेत गोव्यात दारु स्वस्त आहे. त्याचा लाभ घेऊन दारु तस्कर जादा नफा मिळवण्याच्या उद्देशाने दारुची तस्करी करतात. गोव्यातून (Goa) रेल्वेतून शेजारच्या कर्नाटक, महाराष्ट्र (Maharashtra) आणि गुजरातमध्ये पाठवून दिली जाते. आतापर्यंतच्या पोलिस कारवाईत ही बाब उघड झाली आहे. यात दारु व्यवसायातील अनेक बडी धेंडेही गुंतलेली आहेत.