सार्वजनिक बांधकाम विभागाला (PWD) गोवा मुक्तीनंतर पहिल्यांदा पहिली महिला मुख्य अभियंता मिळाली आहे. अँजेलिका लीना ओडेटा सरिता दा सिल्वा यांची PWD च्या मुख्य अभियंता म्हणून पदोन्नती झाली आहे.

अँजेलिका लीना ओडेटा सरिता दा सिल्वा सार्वजनिक बांधकाम विभाग आल्तिनो-पणजी येथील मुख्य कार्यालयात अधीक्षक सर्वेक्षक म्हणून कार्यरत होत्या. सिल्वा यांना आता विभागाच्या मुख्य अभियंता म्हणून बढती देण्यात आली आहे.

विद्यमान मुख्य अभियंता संतोष म्हापणे यांच्याकडून त्या विभागाची सूत्रे हाती घेतील.

सार्वजनिक बांधकाम विभागाचे वरिष्ठ अभियंता उत्तम पार्सेकर यांनी सोमवारी याबाबत आदेश जारी केले आहेत. त्यानुसार अँजेलिका लीना ओडेटा सरिता दा सिल्वा यांची मुख्य अभियंता तर, ए जे जॉर्ज परेरा यांना राष्ट्रीय महामार्ग विभागाच्या रस्ते आणि पूल विभागाचे मुख्य अभियंता म्हणून पदोन्नती दिली आहे. परेरा आल्तिनो-पणजी येथील कार्यालयात अधीक्षक अभियंता म्हणून कार्यरत होते.